Fyrirtækjasmiðjan 2009

 

Gleðilegt ár !

 

Fyrirtækjasmiðjan er nú að fara í gang í 7 framhaldsskólum. Á þriðja hundruð nemendur taka þátt að þessu sinni. Búast má við að yfir 20 fyrirtæki verði stofnuð og verður spennandi að sjá framvindu mála næstu 13-15 vikur.  Fyrirkomulag er eins og áður, Sparkið, upphafshátíðin verður haldin 16. janúar og einnig verður boðið upp á vörumessu um miðbik tímabilsins  og uppskeruhátíð í lokin.  Þátttakendur sækja um aðgang hér á síðunni til að nálgast ítarefni, eyðublöð og dagatal vekefnisins. í þessari vikur eru þátttakendur að fá í hendur fyrirtækjamöppur, kynna sér verkefnið og sinna forvinnu eins og ráðningum í stöður, nafngift ofl. Við hjá Ungum Frumkvöðlum hvetjum alla til að vera frjóir í hugsun, nákvæmir í vinnubrögðum og virkir til þátttöku.  Einnig viljum við hvetja nemendur og kennara til að útvega sér ráðgjafa, aðila úr atvinnulífinu, jafnvel með reynslu af rekstri eða viðskiptamenntun, til að koma inn til skrafs og ráðagerða t.d. þrisvar á tímabilinu.  Utanaðkomandi álit og ráðgjöf gæðir verkefnið lífi og gefur nemendum innsýn í atvinnulífið.

 

Gangi ykkur vel.

 

Ungir Frumkvöðlar