JAI

Framtíðarsmiðjan

8 kennslustunda námskeið fyrir grunnskólanemendur á aldrinum 14-15 ára. Valkvætt að mæta einu sinni í viku í 8 vikur eða tvisvar í 4 vikur. Efnið er þrautreynt og hefur gefið góða raun við að vekja unglinga til umhugsunar um framtíðaráform og ábyrgð í fjármálum. Námsefnið er kennt af ráðgjafa sem starfar í atvinnulífinu í nágrenni við skólann. Ef ekki tekst að útvega ráðgjafa getur kennari leiðbeint. Það er hins vegar mjög æskilegt að fá utanaðkomandi sem tengir efnið þá beint við atvinnulífið.

1. Að markaðssetja sig Nemendur kynnast hlutverki sínu á vinnumarkaði, átta sig á hvað markaður er og hanna m.a nafnspjöld til að koma sér á framfæri.

2. Að þekkja hæfileika sýna og áhugasvið Nemendur greina persónulega hæfileika sýna og tengja þá mismunandi störfum. Þau gera sér grein fyrir val þeirra í dag hefur áhrif á hlutverk þeirra á markaði í framtíðinni.

3. Atvinnutækifæri Nemendur lesa atvinnuauglýsingar, fylla út starfsumsókn. Þau ræða gildi starfa og segja frá reynslu sinni eða framtíðaráætlunum varðandi störf.

4. Atvinnuviðtöl Nemendur læra hvað þarf að hafa í huga í viðtölum, skoða árangursrík og misheppnuð atvinnuviðtöl og fara yfir lista um ráðleggingar í viðtölum.

5. Persónuleg fjárhagsáætlun Nemendur vinna í litlum hópum og gera fjárhagsáætlun fyrir ungling. Þau læra ástæður þess að gera áætlun og einkenni þeirra.

6. Fjármál heimila Nemendur áætla kostnað byggðan á væntanlegum tekjum og ræða skipulag fjármála fjölskyldunnar.

7. Að nota lánstraust viturlega Nemendur ræða kosti og galla þess að taka lán til að kaupa fyrir.

8. Hlutabréfamarkaðurinn og greining fjárfestinga Kynning á hlutabréfamarkaðnum og gervi kaup og sala hlutabréfa.

Kennslutilhögun
Ráðgjafi úr atvinnulífinu leiðir efnið og stýrir þessum tímum. Hann tekur dæmi úr eigin reynslu á vinnumarkaði og tengir efnið með þeim hætti við raunveruleikann. Kennarar eru ætíð viðstaddir og vinna með ráðgjafanum.

Ráðgjafar koma frá fyrirtækjum aðildarfélaga JAI- Ungra frumkvöðla og ýmsum félagasamtökum og fyrirtækjum sem eiga samstarf við JAI.

Framtíðarsmiðjan er skólum og nemendum að kostnaðarlausu.