JAI

Fyrirtækjasmiðjan

Fyrirtækjasmiðjan
Fyrirtækjasmiðjan er 13 vikna námskeið fyrir framhaldsskólanema sem miðar að þvi að efla skilning þeirra á fjölbreyttum fyrirtækjarekstri. Fjallað er um lögmál efnahagslífsins, mismunandi starfssvið og mikilvægi jákvæðra samskipta. Nemendur þróa viðskiptahugmynd og framkvæma nauðsynlegan undirbúning fyrir stofnun fyrirtækis. Þeir fjármagna stofnunina með sölu hlutabréfa, ráða í stöðugildi og búa til ítarlega viðskiptaáætlun. Henni er hrint í framkvæmd og fyrirtækið síðan gert upp með ársreikningi og skýrslu í lok tímabilsins. Framkvæmdin er höfð eins raunveruleg og kostur er. Höndlað er með peninga og nemendum veitt ábyrgð til mikilvægrar ákvarðanatöku.

Heildarmarkmið
• Að efla skilning og þekkingu nemenda á því hvernig fyrirtæki eru skipulögð og rekin.
• Að kynna ólíka starfsvettvang og undirstöðuatriði þess að taka þátt í atvinnulífi.
• Að þróa skilning nemenda á lögmálum efnahagslífsins sem hafa áhrif á ákvarðanatöku og rekstur fyrirtækja.
• Að hlúa að jákvæðum samskiptum á milli nemenda og fólks/fyrirtækja úr atvinnulífinu.

Nemendur læra og framkvæma
• Þróun viðskiptahugmyndar
• Að sækja um og ráða í stöður í eigin fyrirtæki
• Gerð viðskiptaáætlunar, markmiðasetningu, markaðsmál,fjármál og starfmannamál.
• Að fjármagna eigin rekstur með sölu hlutabréfa
• Um siðferði, samvinnu, jákvæð samskipti, stjórnun, ábyrgð og ákvarðanatöku.

Handbók Ráðgjafa
Er byggð upp á sama hátt og á námskeiðum fyrir yngri krakka. Ráðgjafi er leiddur í gegnum markmið hvers tíma, gátlisti er yfir verkefni nemenda og leiðbeiningar um hvernig gott er að setja efnið fram.

Námsgögn nemenda
Er uppflettimappa sem hvert fyrirtæki sem stofnað er fær eintak af. Í henni er að finna námsgögn þar sem farið er ítarlega í hina ýmsu verkþætti er varða stofnun og rekstur á fyrirtæki.
• Skipulagningu
• Starfslýsingar
• Markmiðasetningu
• Fjármál
• Gerð viðskiptaáætlunar
• Verðlagningu
• Markaðsrannsóknir og markaðsáætlun
• Framleiðsluáætlun
• Lög fyrirtækis
• Félagslega ábyrgð
• Slit, uppgjör og ársreikning

 

ATH:
Gögn nemenda, ráðgjafa og kennara er að finna í skráarsafni. Vinsamlegast skráið ykkur inn sem notendur á síðunni til að fá aðgang að skráarsafni, þar sem öll gögn Fyrirtækjasmiðjunnar er að finna, ásamt ýmsum eyðublöðum.