Það hljóp heldur betur á snærið hjá Ungum frumkvöðlum í maí mánuði en þá fegnum við jákvætt svar frá Átaki til atvinnusköpunar sem styrkir Unga frumkvöðla um 500.000 krónur. Þetta hjálpar okkur við þátttöku á Ítalíu í sumar en kemur okkur líka af stað í haust. Betur má ef duga skal, allur stuðningur vel þeginn.

Uppskeruhátíð Fyrirtækjasmiðjunnar var haldin í HR í gær 26. apríl. Sjö fyrirtæki frá kynntu þar verkefni sín og voru kynningarnar vandaðar og vel framsettar.  Dómarar spurðu liðin krefjandi spurninga og var þeim svarað skilmerkilega.  Í dómnefnd sátu Hildur Kristmannsdóttir útibússtjóri hjá Íslandsbanka, Gunnar Hólmsteinn framkvæmdastjóri Clara og Sigríður Ingvarsdóttir framkvæmdastjóri Nýsköpunarmiðstöðvar en hún var yfirdómari.  Dómarar höfðu áður yfirfarið verðlaunaumsóknir fyrirtækjanna og eftir að hafa fylgst með kynningum þeirra og fengið svör við spurningum var kveðið upp úr um sigurvegara í þeim þremur verðlaunaflokkum sem í boði voru.

Verðlaun sem Besta fyrirtækið 2010 fékk Chronica frá Fjölbrautarskólanum í Garðabæ fyrir þróun á tímaskráningarkerfi fyrir fyrirtæki.

Nánar...

Það líður að lokum Fyrirtækjasmiðjunnar og stefnum við á uppskeruhátíðina mánudaginn 26. apríl kl 15.30-17.00.  Undanfarin ár hefur uppskeruhátíðin farið fram á föstudegi en sá dagur hefur oftar en ekki verið undirlagður öðrum viðburðum og þess vegna færum við okkur yfir á mánudag.  Allt stefnir í að við ljúkum þessari ferð á sama stað og við hófum hana en þó ekki alveg. Við byrjuðum í Háskólanum í Reykjavík við Ofanleiti en endum í glænýjum höfuðstöðvum HR við Menntaveg í Öskjuhlíðinni.

Verðlaunaumsókn má finna HÉR   og það þarf að muna að skila í allra síðasta lagi mánudaginn 19. apríl kl 14.00 en Rósa Kristín tekur á móti umsóknum og gögnum. Best að hringja á undan sér í 664-6555.

Átta fyrirtæki koma til með að kynna fyrirtæki sín í lágmark 4 mínútur og hámark 7 mínútur fyrir framan dómnefnd sem einnig spyr spurninga. Dómarar meta gögn og verðlaunaumsóknir og velja þau átta fyrirtæki sem eru með kynningu.
Öll fyrirtækin koma til greina sem verðlaunahafar þó þau séu ekki með kynningu. 

Keppt er um þrenn verðlaun að þessu sinni. Besta fyrirtækið er sem fyrr aðalverðlaunin og veitir keppnisrétt í keppni Ungra frumkvöðla í Evrópu sem fram fer á Ítalíu síðar í sumar. Sjá nánar hér. 

 

Nánar...

Nú er vörumessunni 2010 lokið og við þökkum þeim 16 flottu fyrirtækjum sem tóku þátt að þessu sinni. Einnig þökkum við Smáralind fyrir frábærar móttökur og stuðning.

Þrjú fyrirtæki fengu viðrkenningu fyrir besta básinn: Eðal, Fresh og Cronica.  

Hér eru nokkur myndbönd sem tekin voru yfir helgina og gefa vísbendingu um fjölbreytileikan að þessu sinni

Tinna kennari í FG

Peterson bolir

Koktail glös

Umhverfisvænir pokar

Fresh