Fyrirtækið Þekktu landið! frá Verslunarskóla Íslands var valið fyrirtæki ársins 2026 í Fyrirtækjasmiðju Ungra frumkvöðla – JA Iceland


Fyrirtækið Þekktu landið! sem framleiðir fræðandi og skemmtilegt borðspil sem gengur út á það að vita hvar staðsetningar þekktra staða eru á Íslandi. Markmið spilsins er að sameina skemmtun og fræðslu, þannig að leikmenn læri meira um landið sitt á meðan þeir spila. Eigendur eru fimm nemendur í Verslunarskóla Íslands þær: Petra Björk Valdimarsdóttir, Thelma Kristbjörg Bæringsdóttir, Hera Björt Aðalsteinsdóttir, Tinna Björg Jóhannsdóttir, Hanna Falksdóttir Krüger.

Uppskeruhátíðin fór fram í höfuðstöðvum Arion banka þriðjudaginn 28. apríl. Þekktu landið! mun keppa fyrir hönd Íslands, í Evrópukeppni Ungra frumkvöðla – GEN_E 2026 sem fer fram í Riga, Lettlandi , dagana 7. – 10. júlí. Um 400.000 nemenda hófu keppni í 40 Evrópulöndum og verður eitt lið valið frá hverju landi til að keppa um „Junior Achievement Company of the Year – GEN_E 2026“

 

40 fyrirtæki frá 17 framhaldsskólum voru valin úr hópi 150 fyrirtækja sem 620 nemendur stofnuðu á önninni, til að taka þátt í úrslitum Fyrirtækjasmiðju Ungra frumkvöðla 2026

 



Fv. Petra Bragadóttir framkvæmdastjóri Ungra frumkvöðla-JA Iceland, Petra Björk Valdimarsdóttir, Thelma Kristbjörg Bæringsdóttir, Hera Björt Aðalsteinsdóttir, Tinna Björg Jóhannsdóttir, Hanna Falksdóttir Krüger, Þóra Hrólfsdóttir kennari í Verzlunarskóla Íslands. Ljósmyndari: Kristinn Magnússon


Þór Sigfússon forstjóri Sjávarklasans og Guðfinna Helgadóttir rekstrarstjóri á viðskiptasviði Arion banka veittu verðlaun í eftirfarandi flokkum:

  1. Aðalverðlaun: Fyrirtæki ársins, keppir fyrir Íslands hönd í stærstu nýsköpunarkeppni í Evrópu GEN_E 2026 7. – 10. júlí.

  Þekktu landið! Verslunarskóli Íslands

    2..Fyrirtæki ársins 2. sæti, fær ferð á Arctic Youth Championship í TromsØ 18. - 21. maí (samstarfsverkefni með JA Norway, JA Finland og JA Sweden, en 30

     þátttakendur fara héðan)

  Grásíða, Verslunarskóla Íslands

   3. Fyrirtæki ársins 3. sæti, fær ferð á Arctic Youth Championship í TromsØ 18.- 21. maí

  Eyjakonfekt, Framhaldsskólinn í Vestmannaeyjum

  4. Frumlegasti sölubásinn, Hlýja Fjölbrautaskólinn í Garðabæ

  5. Öflugasta sölustarfið – Smáralind, Blær, Menntaskólinn við Sund

  6. Áhugaverðasta nýsköpunin – Norður Rækja, Verkmenntaskólinn á Akureyri                      

  7. Samfélagsleg nýsköpun, Hugljómi, Verslunarskóli Íslands                     

  8. Áhugaverðasta fjármálalausnin,  Framtak, Tækniskólinn                    

  9. Matvælafyrirtæki ársins, Krílabiti, Fjölbrautaskólinn í Garðabæ                 

10. Besta hönnunin, Sjávardjásn, Menntaskólinn við Sund                        

11.  Áhugaverðasta tækninýjungin, Brauðbox, Tækniskólinn        

12.. Umhverfisvænasta lausnin, Land, Verslunarskóli Íslands         

 Jennifer Bushman, framkvæmdastjóri Fed by Blu og Þór Sigfússon forstjóri Sjávarklasans veittu verðlaun fyrir besta sjó-bissnessinn:

13.Besti sjó-bissnessinn, HafBit, Fjölbrautaskólinn í Garðabæ

40 fyrirtæki valin í úrslit af 150 fyrirtækjum

Eftir Petra Bragadóttir • 24. apríl 2026
Eftirfarandi fyrirtæki eru komin í úrslit í Fyrirtækjasmiðju Ungra frumkvöðla-JA Iceland 2026

Allir Vnningshafar Fyrirtækjasmiðju Ungra frumkvöðla - JA Iceland 2025

Eftir Petra Bragadóttir • 2. maí 2025
Benedikt Gíslason bankastjóri Arion banka, stjórnarformaður Ungra frumkvöðla – JA Iceland og Jóna Bjarnadóttir framkvæmdastjóri Samfélags og umhverfis hjá Landsvirkjun og stjórnarmaður í Ungum frumkvöðlum – JA Iceland veittu verðlaun og viðurkenningar til eftirfarandi fyrirtækja: · Fyrirtæki ársins – Urri, Menntaskólinn við Sund · Fyrirtæki ársins 2. Sæti – Hjartaborg, Verslunarskóli Íslands · Fyrirtæki ársins 3. Sæti – Rs. Snúður, Menntaskólinn við Hamrahlíð · Frumlegasti sölubásinn – Smáralind – Marín, Menntaskólinn við Sund · Öflugasta sölustarfið – Smáralind – Urri, Menntaskólinn við Sund · Áhugaverðasta nýsköpunin – Þörungurinn, Verslunarskóli Íslands · Samfélagsleg nýsköpun – Tilfinningaeyjan, Verslunarskóli Íslands · Áhugaverðasta fjármálalausnin - Mynta, Fjölbrautaskólinn í Garðabæ · Besti sjó-bissnessinn – Atlas, Verslunarskóli Íslands · Matvælafyrirtæki ársins – Berjabiti, Menntaskólinn við Sund · Besta hönnunin – Andrúm, Tækniskólinn · Áhugaverðasta tækninýjungin – SR Turning, Tækniskólinn · Umhverfisvænasta lausnin – Turnip Up, Menntaskólinn við Sund

Fyrirtækið Urri frá Menntaskólanum við Sund var valið fyrirtæki ársins 2025 í Fyrirtækjasmiðju Ungra frumkvöðla – JA Iceland

Eftir Petra Bragadóttir • 1. maí 2025
Fyrirtækið Urri sem framleiðir hundaleikfang sem er unnið úr notuðum fiskinetum, tennisboltum og fiskiroði. Urri er í eigu fimm nemenda í Menntaskólanum við Sund í þeirra; Ölmu Aspar Óskarsdóttur, Birnu Kolbrúnar Jóhannsdóttur, Ketils Guðlaugs Ágústssonar, Selmu Lísu Björgvinsdóttur og Aron Vals Gunnlaugssonar. Uppskeruhátíðin fór fram í höfuðstöðvum Arion banka miðvikudaginn 30. apríl. Urri mun keppa fyrir hönd Íslands, í Evrópukeppni Ungra frumkvöðla – GEN_E 2025 sem fer fram í Aþenu, Grikklandi , dagana 1. – 3. júlí. Um 6.500.000 nemenda hófu keppni í 40 Evrópulöndum og verður eitt lið valið frá hverju landi til að keppa um „Junior Achievement Company of the Year – GEN_E 2025“ Við óskum vinningshöfum innilega til hamingju!