Fyrirtækið Urri frá Menntaskólanum við Sund var valið fyrirtæki ársins 2025 í Fyrirtækjasmiðju Ungra frumkvöðla – JA Iceland

Fyrirtækið Urri sem framleiðir hundaleikfang sem er unnið úr notuðum fiskinetum, tennisboltum og fiskiroði. Urri er í eigu fimm nemenda í  Menntaskólanum við Sund í  þeirra; Ölmu Aspar Óskarsdóttur, Birnu Kolbrúnar Jóhannsdóttur, Ketils Guðlaugs Ágústssonar, Selmu Lísu Björgvinsdóttur og Aron Vals Gunnlaugssonar. Uppskeruhátíðin fór fram í höfuðstöðvum Arion banka miðvikudaginn 30. apríl. Urri mun keppa fyrir hönd Íslands, í Evrópukeppni Ungra frumkvöðla – GEN_E 2025 sem fer fram í Aþenu, Grikklandi , dagana 1. – 3. júlí. Um 6.500.000 nemenda hófu keppni í 40 Evrópulöndum og verður eitt lið valið frá hverju landi til að keppa um „Junior Achievement Company of the Year – GEN_E 2025“


Við óskum vinningshöfum innilega til hamingju!


fv. Selma Lísa Björgvinsdóttir, Alma Ösp Óskarsdóttir, Ketill Guðlaugur Ágústsson,

Birna Kolbrún Jóhannsdóttir, Aron Valur Gunnlaugsson eigendur Urra.

Allir Vnningshafar Fyrirtækjasmiðju Ungra frumkvöðla - JA Iceland 2025

Eftir Petra Bragadóttir • 2. maí 2025
Benedikt Gíslason bankastjóri Arion banka, stjórnarformaður Ungra frumkvöðla – JA Iceland og Jóna Bjarnadóttir framkvæmdastjóri Samfélags og umhverfis hjá Landsvirkjun og stjórnarmaður í Ungum frumkvöðlum – JA Iceland veittu verðlaun og viðurkenningar til eftirfarandi fyrirtækja: · Fyrirtæki ársins – Urri, Menntaskólinn við Sund · Fyrirtæki ársins 2. Sæti – Hjartaborg, Verslunarskóli Íslands · Fyrirtæki ársins 3. Sæti – Rs. Snúður, Menntaskólinn við Hamrahlíð · Frumlegasti sölubásinn – Smáralind – Marín, Menntaskólinn við Sund · Öflugasta sölustarfið – Smáralind – Urri, Menntaskólinn við Sund · Áhugaverðasta nýsköpunin – Þörungurinn, Verslunarskóli Íslands · Samfélagsleg nýsköpun – Tilfinningaeyjan, Verslunarskóli Íslands · Áhugaverðasta fjármálalausnin - Mynta, Fjölbrautaskólinn í Garðabæ · Besti sjó-bissnessinn – Atlas, Verslunarskóli Íslands · Matvælafyrirtæki ársins – Berjabiti, Menntaskólinn við Sund · Besta hönnunin – Andrúm, Tækniskólinn · Áhugaverðasta tækninýjungin – SR Turning, Tækniskólinn · Umhverfisvænasta lausnin – Turnip Up, Menntaskólinn við Sund

Topp 30 í Fyrirtækjasmiðju Ungra frumkvöðla - úrslit

Eftir Petra Bragadóttir • 27. apríl 2025
Eftirfarandi teymi eru komin í úrslit í Fyrirtækjasmiðju Ungra frumkvöðla - JA Iceland 2025:

SamVís - ConKrete fulltrúar háskólastigsins á GEN_E 2025

Eftir Petra Bragadóttir • 27. apríl 2025
SamVís - ConKrete voru í 3 sæti í Gullegginu og verða fulltrúar JA Iceland- Ungra frumkvöðla á GEN_E 2025 sem fer fram í Aþenu 1.-3 júlí nk. Efsta "hreinræktaða" háskólateymið fékk ferð á stæstu nýsköpunarkeppni í Evrópu að launum. Samvís þróar nýja kynslóð leitarvéla fyrir vísindamenn og námsmenn með gervigreindartækni. Lausnin auðveldar aðgengi að rannsóknum og skapar brú milli vísinda og samfélags. Það verður gaman að fylgjast með gengi þeirra í sumar.